الجمعة، 1 يناير 2010

كلام فشوش

ولأن الحياة أصبحت تهيص فى تهجيص
ولأن السنه الجديده فيها صفرين و1 و2
2010
ولأن مسرحية الحياة أصبحت كوميديه
ولأن الممثلون أداؤهم أصبح سخيف
فلابد للرجوع الى المخزون الفكاهى المصرى
بادىء ذى بدء
بمناسبة رأس السنه 2010 الميلاديه
نقول
لرأس السنة أضغط (1 )
للكريسماس أضغط (2 )
لباقى السنه
أضغط على نفسك
وحاول تعيش
كل عام وأنتم طيبين
=============
على رأى المثل
اضحك والضحك رخيص قبل مايغلى و يبقى فى قراطيس
أقوال خالده مقتبسه من الستات
===================
اتجوز المجنونة بنت العاقلة ومتجوزشى العاقلة بنت المجنونة
اتقل علي حبيبك وارميه في بلاعه .. يرجعلك مستحمي وفوقه نعناعه
حطى جوزك فوق السطوح وان كان لك نصيب فيه مش هيروح
اللى يسكت و مايقولش لمراته ليه ؟ رحمة الله عليه
الحياه من غير نسوان زى المسقعه من غير بتنجان
لا تصاحب الأقرع ولا تاخد منه نصيحة ، لو ربنا يحبه كان خلى راسه صحيحه
ماتخدش السهتانة أم كحلة ولبانة دى وقت العجين تعمل عيانة .
. وما يعجبكش قصتها ولا كحلتها دى وقت الخبيز يا لخمتها
قليل الاصل لا تعاتبه ولا تلومه ،ده زى البقعه لا يطلع برابسو ولا بأومو
لو كـانوا الرجـالة بشنباتهـم.. لـكان الصـرصار اجــدعهم
أقوال خالده مقتبسه من الشباب
====
ايش فهم التور في اكل البتي فور ... تقال في حالة الاستهزاء برأي شخص
شاب سنتيح .............يعني تافة خيخة ملوش لزمة
انت هتهنبق = انت هتروش او انت هتهزر
(خليك فى كوزك لحد ما نعوزك)او(خليك فى كبيتك لحد ما نعرف حكايتك)
ده بتتقال لما حد يدخل فى موضوع هوه ملوش فيه ومحدش طلب منه ده
هشقلطوا=هعاقبه
في اللذيذ . الحياة بسيطة لا تدعو للإكتئاب(سهرايه حلوة في ديسكوكده وكله هيبقى في اللذيذ)
قشطة . لفظ بمعني تمام وأن الحياة لذيدة أو تفيد الموافقة على موضوع
إتشرنق على محاورك ....... يعني مد رجليك على أد لحافك
هتش = ودى بقا لما واحد جاى وبيحور عليك وانت قافشه
فكك من الهرت ده .....تتقال لشاب بيقول كلام كذب و هرتله و حاجات مش بتحصل اساسا
الدفش اللى فشلك دهمزه وحزيه = كروت الزبون وممكن بردو كعور وادى الاعور
نكته مقتبسه
=====
:واحدة بتقول لخطيبها تعالى نلعب استغمايه
ولو لقتنى هتاخد بوسة ولو ملقتنيش انا ورا الباب
--
واحد بيقول لمراته انا بحب فيتراك جدا قالتله و انا بحب محمود جدا جدا
قالها بس فيتراك ديه مربى قالتله و محمود ده عسل
----
واحد احول اتجوز فسافر يقضى شهر العسل بعد ما رجع صاحبه بيسأله عملت ايه؟
قاله معملتش حاجة يا عم اختها كانت لازقلها مش عايزة تسيبها خالص
----
مرة واحد صعيدى بيدهن الحيطة واحد قاله طب حط جرنال تحتك قاله:لا مش مهم انا كدا طايل
------
واحد صعيدي اتخانق مع مراتة قال للسواق وديني اخر الدنيا
مشي السواق في الصحراء وبعدين قالو ده اخر الدنيا
نزل ومشي شويه قابل واحد بيقلوا اناحران من الشمس
ردالصعيدي قالواانا هريدي من الارض
--------
واحدة بتقول لجوزها اطرد السواق ده
كان حيموتني مرتين في حادثة قال لها:خلينا نديه فرصة ثالثة
-------------
أحول...... سجل في الجيش ...... حطوه في قسم القصف العشوائي
-------------------
واحد بلدياتنا اتهموه بالذكاء ............. طلع براءه
-------------
مره واحد غبي مراته حامل قالها لو خلفتي ولد نسميه مبروك لو خلفتي بنت نسميهامبروكه
ودخلت تولد طلع الدكتور وقال :الف مبروك
رد الغبي:يالهوي اعيشهم منين دول
----------
دكتور فى مستشفي المجانين بيكشف علي المرضى
رسم لهم باب علي الحيطه و قال لهم "افتحوه" راحوا يفتحوه ما عدا واحد
، افتكر أنه عاقل وبقى كويس فساله "ليه ما فتحتش الباب" قاله "لأن المفتاح معايا !!؟؟
----------
مره واحد كسلان محكوم عليه بالإعدام ردما فى حفرة
فبيقلوله "نفسك فى ايه قبل ما نردم؟" راح قالهم "أشرب قالولوه "اطلع اشرب
" راح رد وقال "انا لسه هطلع يا عم اردم اردم!!"
----------------
مرة كان فيه اثنين اغبيا متجوزين راكبين طيارة
فقال الرجل روحي جيبي لي كباية ميه راحت و رجعت
فقال لها اهاتى لي كوبا يه تانيه راحت
و رجعت معها ش ميه فسالها زوجها فين الميه
قالتلوا اصل الزير اللي انا كنت بجيب لك منه الميه لقيت واحد قاعد عليه
------------
كل سنه وأنتم طيبون

ليست هناك تعليقات:

إرسال تعليق